Bu ölkədə türk turistlərə HÜCUM EDİLDİ
Efiopiyada naməlum şəxslər türk turistlərə hücum ediblər.
Publika.az xəbər verir ki, bu barədə Türkiyənin Əddis-Əbəbədəki səfiri Berk Baran “Anadolu” agentliyinə məlumat verib.
O bildirib ki, hücum nəticəsində tanınmış iş adamı Erdoğan Akbulak və dah bir Türkiyə vətəndaşı öldürülüb. Digər iki türk turist isə hadisə yerindən xəsarətsiz çıxmağı bacarıb.
Hadisə yanvarın 12-də səhər saatlarında ölkənin cənub-qərbində yerləşən Tum bölgəsində baş verib. Bölgə turist qrupları arasında ilboyu məşhurdur.
Səfir bildirib ki, Efiopiya hakimiyyəti baş verənlərə görə başsağlığı verib və cinayətkarları tapmaq məqsədilə istintaq aparır.
Erdoğan Akbulak “Silkar Madencilik” şirkətinin qurucusu və sahibi olub. Şirkət mərmər, mozaika və keramika plitələri istehsal edir və məhsullarını 35 ölkəyə ixrac edir.
Hüseyn İbadlı
