Hamı Ronaldonun oruc tutmasından danışır
Səudiyyə Ərəbistanının “Əl-Nəsr” klubunun sabiq oyunçusu Şaye Şarahili portuqaliyalı ulduz Kriştiano Ronaldo ilə bağlı maraqlı detalları açıqlayıb.
AZERFAX.AZ xəbər verir ki, o, Ronaldonun yerli mədəniyyətə olan hörmətini vurğulayıb. Şarahili “Thmanyah Sports” podkastında bildirib ki, Ronaldo keçən il Ramazan ayında müsəlman olmamasına baxmayaraq oruc tutmağı seçib:
“Keçən il Kriştiano Ronaldo “Əl-Nəsr”in müsəlman oyunçuları ilə birlikdə Ramazan ayında oruc tutmağa çalışdı. O, müsəlmanların oruc zamanı nə hiss etdiyini yaşamaq üçün iki gün oruc tutdu”.
Bu əhvalat Ramazanın dünya üzrə müsəlmanlar üçün iki gün əvvəl başlaması ilə paylaşılıb. Futbol ictimaiyyətində orucun oyunçuların performansı və gündəlik rejiminə təsiri ilə bağlı tez-tez müzakirələr aparılır. Səudiyyə Ərəbistanında isə bu məsələ minimal səviyyədədir. Əksər oyunçular oruc tutur və liqa məşq cədvəllərini və oyun saatlarını buna uyğun ənzimləyir.
