Kərim sevgilisinə görə klubu dəyişir
“Borussiya Dortmund”un vingeri Kərim Adeyemi yaxın vaxtlarda komandadan ayrıla bilər.
AZERFAX.AZ xəbər verir ki, səbəb kifayət qədər qeyri-adidir. Almaniya mediasının məlumatına görə, futbolçu artıq klub rəhbərliyinə komandasını dəyişmək istədiyini bildirib.
Bildirilir ki, bu qərarda əsas rolu onun sevgilisi Loredana Zefi oynayıb. O, böyük Avropa şəhərində yaşamaq istəyir, Dortmund isə onun gözləntilərinə cavab vermir.
Bu səbəbdən Adeyemi artıq menecerlərini dəyişib və bir neçə aydır yeni müqavilə ilə bağlı danışıqları uzadır. Hazırda iki variant nəzərdən keçirilir. Yaxın zamanda transfer və ya 2027-ci ilin yayında azad agent kimi ayrılıq.
Bu vəziyyət sosial şəbəkələrdə geniş rezonans doğurub, çünki azarkeşlər potensial transfer üçün bu cür səbəblərə nadir hallarda rast gəlirlər.
Heybət
