Makron Əl Şaraa ilə danışdı: Narahatlığımızı bildirdim…

Fransa Prezidenti Emmanuel Makron suriyalı həmkarı Əhməd Əl Şaraa ilə telefonla danışıb.

AZERFAX.AZ xəbər verir ki, bu barədə Fransa lideri “X” hesabında yazıb.

“Bu gün səhər Suriyanın Prezidenti ilə danışdım. Ona Suriyada gərginliyin artması və ölkə hakimiyyəti tərəfindən həyata keçirilən hücumların davam etməsi ilə bağlı narahatlığımızı bildirdim”, – Makron qeyd edib.

O əlavə edib ki, daimi atəşkəsin təmin olunması vacibdir və ötən ilin martında əldə olunmuş razılaşmalar əsasında “Suriya Demokratik Qüvvələri”nin (SDQ) dövlətə inteqrasiyası barədə sazişə nail olunmalıdır.

“Söhbət Suriyanın birliyi və sabitliyindən gedir”, – Fransa lideri vurğulayıb.