NASA “Artemis 3” missiyası çərçivəsində Aya enişi ləğv etdi
Gələn il Ay səthinə astronavtların enişini nəzərdə tutan “Artemis 3” missiyası ləğv olunub.
AZERFAX.AZ xəbər verir ki, bunu NASA-nın rəhbəri Karid Ayzekman Ay proqramı ilə bağlı yenilənmiş məlumatlara həsr olunmuş brifinqdə açıqlayıb.
Onun sözlərinə görə, “Artemis 3”ün buraxılışı 2027-ci ilə planlaşdırılırdı. Əvəzində missiya “Orion” kosmik gəmisinin Yerə yaxın aşağı orbitdə sınağını və Ay eniş modullarını təmin edən bir və ya hər iki təchizatçılarla görüş prosedurunun yoxlanışını əhatə edəcək. Ayzekman qeyd edib ki, əgər bu plan uğurla həyata keçirilsə, 2028-ci ilin əvvəlində “Artemis 4”, ilin sonunda isə “Artemis 5” missiyaları çərçivəsində Aya eniş üçün imkan yaranacaq.
Xatırladaq ki, NASA 2019-cu ilin yazında Aya üç mərhələdən ibarət “Artemis” proqramını elan edib. Birinci mərhələ (“Artemis I”) “Orion” gəmisinin pilotsuz şəkildə Ay ətrafında uçuşunu və Yerə qayıdışını nəzərdə tuturdu. Bu uçuş 2022-ci il 16 noyabr – 11 dekabr tarixlərində baş tutub. İkinci mərhələ (“Artemis II”) ekipajlı “Orion” gəmisinin Ay ətrafında uçuşunu nəzərdə tutur. Üçüncü mərhələdə (“Artemis III”) NASA astronavtların Ay səthinə enişini həyata keçirməyi planlaşdırırdı.
Fevralın 21-də missiyanın təxirə salındığı açıqlanmışdı. Həmin vaxt missiyanın raketi start meydançasından yenidən yığma sexinə qaytarılıb. Buna səbəb mühərrikin aralıq kriogen pilləsində helium sızmasının aşkar edilməsi olub.
