Putinin geri qayıtmayacağına heç kim zəmanət verə bilməz
Ukrayna Prezidenti Vladimir Zelenski bildirib ki, Kremlin lideri Vladimir Putinin geri qayıtmayacağına heç kim zəmanət verə bilməz.
AZERFAX.AZ xəbər verir ki, Zelenski bu barədə Pirs Morqana müsahibəsində deyib.
“Bu gün heç kim bizə, güclü Amerika prezidentinə və bütövlükdə Amerikaya hörmətlə yanaşaraq, çox möhkəm bir vəd verə bilməz. Yəni Amerika güclü bir ölkədir və bizə onun təhlükəsizlik zəmanətləri lazımdır. Amma bütün bunlara baxmayaraq, heç kim bizə Putinin geri qayıtmayacağını deyə və vəd edə bilməz”, – Zelenski bildirib.
Zelenski qeyd edib ki, Ukraynanın güclü təhlükəsizlik zəmanətlərinə ehtiyacı var:
“Təhlükəsizlik zəmanətləri haqqında danışarkən, dünyanın qalan hissəsinin və ya bəzi ölkələrin Putinin təcavüzkar niyyəti ilə geri döndüyü təqdirdə cavab verməyə hazır olacağına dair güclü təhlükəsizlik zəmanətlərinə ehtiyacımız olduğunu nəzərdə tuturuq”.
Tural
