SON DƏQİQƏ: Etirazçılar SEPAH-ın binasını yandırdılar

İranda etirazçılar İslam İnqilabı Keşikçiləri Korpusunun (SEPAH) binasını yandırıblar. AZERFAX.az  xəbər verir ki, bu barədə “BBC News” məlumat yayıb.

Bildirilib ki, Tehranda bir neçə küçə hazırda bağlıdır və nümayişçilər maşınları yandırır. Silah səsləri eşidilir. Etirazçılar hökumət əleyhinə şüarlar səsləndirirlər.

Əldə olan məlumata görə, polisə kömək etmək üçün ordu bölmələri göndərilib.

Yanvarın 8-də İranın hər yerində internet xidmətinin kəsildiyi bildirilib

Elə həmin gün İranda kütləvi iğtişaşların 27 əyalətdə 92 şəhərə yayıldığı məlum olub.

Xatırladaq ki, İranda etirazlar 2025-ci il dekabrın sonlarında yerli valyuta olan rialın devalvasiyası səbəbindən başlayıb. Bundan sonra İran Mərkəzi Bankının rəhbəri Məhəmməd Fərzin istefa verib. Onun yerinə Əbdülnasir Hemmati təyin edilib.

İranın bir neçə şəhərində etirazlar polislə toqquşmalara çevrilib və mövcud siyasi sistemə qarşı şüarlar səsləndirilib. Həm təhlükəsizlik qüvvələri, həm də etirazçılar arasında itkilər qeydə alınıb.