Dünyanın ən boş ölkəsi – İnsanlar oradan qaçır

Monqolustan dünyanın ən seyrək məskunlaşmış suveren ölkəsi kimi seçilir.

AZERFAX.AZ xəbər verir ki, Monqolustanın 1,56 milyon kvadrat kilometr ərazisi və cəmi 3,5 milyon əhalisi var. Məlumata görə, ölkənin 99%-də davamlı məskunlaşma yoxdur. Əhalinin əksəriyyəti paytaxt Ulan-Bator və ətrafında cəmləşsə də, ölkə üzrə əhali sıxlığı kvadrat kilometrə cəmi iki nəfərdir. Monqolustan coğrafiyasının əksər hissəsi çöl düzənliklərindən ibarətdir. Dağlıq ərazilər ölkənin şimalında və qərbində, Qobi səhrası isə cənubda yerləşir. Sərt iqlim ölkədə daimi məskunlaşmanı çətinləşdirir.

Bu şərtlər əsrlər boyu Monqolustanda köçəri həyat tərzinin davam etməsinin ən vacib səbəblərindən biri kimi göstərilir.

You must enable Javascript on your browser for the site to work optimally and display sections completely.