FİFA-nın Ronaldoya jesti üsyana səbəb oldu

Kriştiano Ronaldonun İrlandiyaya qarşı oyunda aldığı qırmızı vərəqə ilə bağlı cəzasının azaldılması etirazlara səbəb olub.

AZERFAX.AZ xəbər verir ki, azarkeşlər FİFA-nın Ronaldonun Dünya Kubokunun açılış oyunlarında oynamasını təmin etmək üçün qaydaları pozduğunu iddia ediblər. Bildirilir ki, zorakı hərəkətinə görə, Ronaldoya bir neçə oyunluq cəza veriləcəyi iddia ediləs də, FİFA fərqli davranış sərgiləyib. Zorakı davranışa görə çox oyunluq cəza əvəzinə Ronaldo bir oyunluq cəzaya və iki oyunluq təxirə salınmış cəzaya məruz qalıb.

Qeyd edək ki, Kriştiano Ronaldo İrlandiya ilə oyunda rəqib futbolçuya dirsəklə zərbə endirmişdi. İntizam qaydalarında zorakı davranışa görə minimum iki və ya üç oyunluq cəza nəzərdə tutur. Bəzi dairələr hesab edir ki, Ronaldonun beynəlxalq matçlardakı davranışına və ilk dəfə qırmızı vərəqə almasına görə, ona güzəşt edilib.

You must enable Javascript on your browser for the site to work optimally and display sections completely.