“Mançester Yunayted” Əmir İbrahimovla müqavilə İMZALADI

“Mançester Yunayted” Əmir İbrahimovla peşəkar müqavilə imzalayıb.

AZERFAX.az xəbər verir ki, bu barədə klubun mətbuat xidməti məlumat yayıb. 17 yaşlı yarımmüdafiəçi ilə imzalanan sözləşmənin müddəti barədə məlumat verilməyib.

Dağıstanda anadan olan İbrahimov İngiltərəyə 11 yaşında ailəsi ilə köçüb. O, əvvəlcə “Şeffild”in akademiyasında çıxış edib, 2021-ci ildə isə “Mançester Yunayted”in akademiyasına transfer olunub.

Qeyd edək ki, Əmir İbrahimov bu mövsüm Mançester təmsilçisinin gənclər komandasının heyətində 25 matça çıxaraq 7 qol vurub və 4 qolun ötürməsini edib.

O, həmçinin İngiltərənin U-16 millisində də 2 matça çıxıb və 1 qol vurub. (bizim.media)