Azərbaycanın Türkiyəyə birbaşa investisiyaları artıb

2 gün əvvəl

Bu ilin l yarısında Azərbaycan Türkiyə iqtisadiyyatına 177,4 milyon ABŞ dolları birbaşa investisiya qoyub.

AZERFAX.AZ AZERFAX.AZ-a istinadən xəbər verir ki, bu barədə Azərbaycan Mərkəzi Bankı məlumat yayıb
Bildirilib ki, bu, ötən ilin eyni dövrü ilə müqayisədə 63,9 % çoxdur.

Hesabat dövründə Azərbaycanın Türkiyə iqtisadiyyatına investisiya qoyuluşunun ümumi investisiyalarda payı 10,8 %-dən 13,1 %-ə çatıb.

6 ay ərzində Türkiyə isə Azərbaycan iqtisadiyyatına 628,7 milyon ABŞ dolları birbaşa investisiya yatırıb. Bu, 1 il əvvələ nisbətən 1 % çoxdur.

Hesabat dövründə Türkiyənin Azərbaycanın iqtisadiyyatına investisiya qoyuluşunun ümumi investisiyalarda payı 20,9 %-dən 19,5 %-ə düşüb.

Qeyd edək ki, yanvar-iyun aylarında Azərbaycandan xaricə yönəldilmiş birbaşa investisiyalar 1 milyard 349,8 milyon ABŞ dolları (ötən ilin eyni dövrü ilə müqayisədə 35,2 % çox), ölkəyə xaricdən cəlb edilmiş birbaşa investisiyalar isə 3 milyard 222,5 milyon ABŞ dolları (8,2 %çox) təşkil edib.

2 gün əvvəl