Gəncədə mikroavtobusla maşın toqquşdu – 3 nəfər xəstəxanalıq oldu.

Gəncədə xəsarətlə nəticələnən yol-nəqliyyat hadisəsi baş verib. AZERFAX.az-ın yerli bürosunun məlumatına görə hərəkətdə olan avtomobil sərnişin daşıyan mikroavtobusla toqquşub.

Qəza zamanı 1961-ci il təvəllüdlü Rəna Zeynalova, 1992-ci il təvəllüdlü Taleh Ələkbərov və 1987-ci il təvəllüdlü Səxavət Mikail-zadə müxtəlif dərəcəli bədən xəsarətləri alaraq Gəncədə yerləşən xəstəxanalardan birinə yerləşdiriliblər. Onlara ilkin tibbi yardım göstərilib, vəziyyətlərinin stabil olduğu bildirilir.

Faktla bağlı araşdırma aparılır.