Göygöldə maşın işıq dirəyinə çırpıldı.

Göygöldə yol-nəqliyyat hadisəsi xəsarətlə nəticələnib.  AZERFAX.az -ın yerli bürosunun məlumatına görə, hadisə Gəncə-Daşkəsən yolunda, Yeni Qızılca kəndi ərazisində qeydə alınıb. Hərəkətdə olan “Mersedes” markalı minik maşınının sürücüsü idarəetməni itirib və avtomobil yol kənarındakı ışıq dirəyinə çırpılıb. Qəza nəticəsində 2004-cü il təvəllüdlü N.Abdullayev xəsarət alaraq xəstəxanaya yerləşdirilib. Avtomobilə və elektrik təsərrüfatına ciddi ziyan dəyib.