Gəncədə dəm qazı can aldı.

Gəncədə ali məktəb tələbəsi bədbəxt hadisə nəticəsində həyatını itirib. AZERFAX.az-ın yerli bürosunun məlumatına görə 2007-ci il təvəllüdlü Ləman Əliyeva dəm qazından zəhərlənmə diaqnozu ilə xəstəxanaya çatdırılıb.
Ona ilkin tibbi yardım göstərilsə də yeniyetmənin həyatını xilas etmək mümkün olmayıb.
Məlumat üçün bildirək ki, 19 yaşlı qız Gəncə Dövlət Universitetinin Tarix və coğrafiya fakültəsinin birinci kurs tələbəsi olub. Faktla bağlı araşdırma aparılır.