Mingəçevirdə azyaşlını maşın vurdu.

Mingəçevirdə 10 yaşlı uşağın xəsarət alması ilə nəticələnən yol qəzası baş verib. AZERFAX.az-ın yerli bürosunun məlumatına görə hadisə Heydər Əliyev prospektində, Səadət şadlıq sarayının yaxınlığında qeydə alınıb.

Hərəkətdə olan minik avtomobili yolu qarşı tərəfə keçmək istəyən, 2015-ci il təvəllüdlü İbadov Emin Saleh oğlunu vurub. Müxtəlif bədən xəsarətləri alan azyaşlı  dərhal xəstəxanaya çatdırılıb. Ona ilkin tibbi yardım göstərilib, vəziyyətinin kafi olduğu bildirilir.  Faktla bağlı araşdırma aparılır.

AZERFAX.az