Ağdərədə insana məxsus olduğu ehtimal edilən skelet fraqmentləri aşkarlanıb

Ağdərə rayonunun Baş Güney kəndi ərazisində insana məxsus olduğu ehtimal edilən skelet fraqmentləri aşkarlanıb.

AZERFAX.az report.az-a istinadən məlumat verir ki, qalıqların Əsəddin Curu oğlu Novruzov və Qurban Ramazan oğlu Göyüşova məxsus olduğu ehtimal edilir.

Bildirilib ki, qalıqlar yaxınlarının həmin şəxsləri 1992-ci il martın 12-də şəhid olduqdan sonra dəfn edib getdikləri yerdə tapılıb.

Artıq qalıqlar ərazidən götürülərək şəxsiyyətlərinin müəyyənləşdirilməsi üçün ekspertizaya göndərilib.

Şəhid Qurban Göyüşovun qardaşı Zahir Göyüşov açıqlamasına görə qalıqları kənd sakinləri aşkarlayıb, daha sonra aidiyyəti qurumlar bu barədə məlumatlandırılıb: 

“Ötən gün mənim də iştirakımla qardaşıma aid edildiyi ehtimal edilən qalıqlar prokurorluq tərəfindən götürüldü və ekspertizaya təhvil verildi”. 

Faktla bağlı Ağdam Rayon Prokurorluğunda araşdırma aparılır.