Tovuzda 13 yaşlı məktəbli itkin düşüb.

Tovuzda orta məktəb şagirdi olan 13 yaşlı qız itkin düşüb. AZERFAX.az-ın yerli bürosunun məlumatına görə rayonun Bozalqanlı kənd sakini, 2012-ci il təvəllüdlü A.Süleymanova ötən gün axşam saat 18:00 radələrində oxuduğu Bozalqanlı kənd tam orta məktəbindən çıxıb və evə qayıtmayıb. Övladlarının itkin düşməsi ilə bağlı yeniyetmənin valideynləri polisə müraciət ediblər. DİN Gəncə regional qrupunun baş inspektoru Eşqin Qasımov Bizim. Media-ya bildirib ki, hazırda şəxsin yerinin müəyyən edilməsi istiqamətində Tovuz RPŞ-nin əməkdaşları tərəfindən axtarışlar davam etdirilir.

AZERFAX.az Qərb Bürosu