Gəncədə sürücünü döydülər – xəstəxanaya düşdülər.

Gəncədə avtomobil 3 nəfəri vurub. AZERFAX.az-ın yerli bürosunun məlumatına görə hadisə şəhərin Tağı Arani küçəsində baş verib. İlkin versiyaya görə maşın küçədən sürətlə keçdiyi üçün 3 nəfər onu saxladıb və sürücünü döyüblər. Bundan sonra sürücü avtomobili onların üzərinə sürərək vurub. Hadisədən sonra sürücü və zərərçəkənlər müxtəlif dərəcəli bədən xəsarətləri ilə Gəncədə yerləşən xəstəxanalardan birinə yerləşdiriliblər. Onlara ilkin tibbi yardım edilib, vəziyyətlərinin stabil olduğu bildirilir. Hadisə zamanı xəsarət alanlar 1979-cu il təvəllüdlü M.Qəhramanov, 1996-cı il təvəllüdlü E.Əkbərov, 2007-ci il təvəllüdlü N.Verdiyev və 2006-cı il təvəllüdlü M.Fətullayevdir. Faktla bağlı araşdırmalara aparılır.

AZERFAX.az