ABŞ və Ukraynanın Florida danışıqları uğursuz olub

Floridada ABŞ və Ukrayna nümayəndə heyətləri arasında keçirilən danışıqlar nəticəsiz başa çatıb.

AZERFAX.AZ Rusiya mətbuatına istinadən xəbər verir ki, görüşdən sonra Ukraynada ictimaiyyətin reaksiya verməməsi razılaşmanın əldə olunmadığını göstərir.

İddiaya görə, Ukrayna tədricən müttəfiqlərinin dəstəyini itirir: Qərb ölkələri getdikcə öz böhranlarına diqqət yetirirlər. Belə ki, son həftələrdə Avropa dövlətlərinin diqqəti Qrenlandiya ətrafındakı beynəlxalq gərginliyə yönəlib.

Qeyd edək ki, Kiyev və Vaşinqton arasında yeni məsləhətləşmələr mərhələsi Rusiya ilə mümkün sülh razılaşmasına yönəlib.