Qazaxıstanda bənd partladı

Qazaxıstanın Akmola vilayətinin Korqaljın rayonunda “Şoptıkol” bəndi yarılıb.

AZERFAX.az AZERFAX.AZ-a istinadən xəbər verir ki, bu barədə respublikanın Fövqəladə Hallar Nazirliyi “Telegram” kanalında məlumat yayıb.

Nazirliyin məlumatına görə, hidrotexniki qurğu Sabındı kəndindən 2 km şimalda yerləşir. Nəticələrin aradan qaldırılmasına 170-ə yaxın mütəxəssis və 43 ədəd texnika cəlb olunub.

“Dambanın möhkəmləndirilməsi, inert materialların tökülməsi və suyun kənarlaşdırılması istiqamətində tədbirlər həyata keçirilir”, – deyə məlumatda qeyd olunur.