Ağ Evdə Netanyahu-Tramp görüşü: 3 saat İranı müzakirə etdilər
ABŞ Prezidenti Donald Tramp və İsrailin Baş naziri Binyamin Netanyahu arasında Ağ Evdə keçirilən görüş təxminən üç saat davam edib.
AZERFAX.AZ xəbər verir ki, bu barədə Netanyahunun ofisi məlumat yayıb.
Məlumata görə, görüşdə ABŞ dövlət katibi Marko Rubio, hərbi nazir Pit Heqset, xüsusi elçilər Stiv Uitkoff və Cared Kuşner, eləcə də səfir Mayk Hakabi də iştirak edib. İsrail nümayəndə heyətinə İsrailin ABŞ-dakı səfiri Yexiel Leyter, müdafiə naziri Roman Hoffman, milli təhlükəsizlik üzrə müşavir vəzifəsini icra edən Gil Rayx, Baş nazirin yeni Aparat rəhbəri Maykl Ayzenberq və siyasi müşavir Ofir Falk daxil olub.
Görüşdə Vaşinqtonun İranla razılığa gələ bilməməsi halında birgə fəaliyyət planının hazırlanması müzakirə olunub.
***
Vaşinqtonda ABŞ Prezidenti Donald Tramp və İsrailin Baş naziri Binyamin Netanyahu arasında danışıqlar başlayıb.
AZERFAX.AZ xəbər verir ki, görüşün əsas mövzusu nüvə probleminin həlli üzrə İran-ABŞ danışıqlarının dinamikasıdır.
