Azərbaycan Premyer Liqasının oyunları daha bir kanalda yayımlanacaq

Azərbaycan Premyer Liqasının qarşılaşmaları 22-ci turdan etibarən “CBC Sport” ilə yanaşı “İdman TV”də yayımlanacaq.

AZERFAX.AZ xəbər verir ki, bu barədə Azərbaycan Futbol Federasiyaları Assosiasiyası (AFFA) məlumat yayıb.

22-ci turdan etibarən turun bir qarşılaşması ölkənin ilk idman kanalı vasitəsi ilə nümayiş olunacaq. İlk belə canlı yayımlanacaq qarşılaşmanın isə “Qarabağ” – “Sabah” matçı olması nəzərdə tutulur.

Yayımın təşkili və ümumi prosesin tənzimlənməsi ilə bağlı texniki detallar telekanallar tərəfindən qarşılıqlı razılaşma əsasında həyata keçiriləcək.

Heybət