Tramp neft qiymətlərinin kəskin düşəcəyini düşünür

ABŞ Prezidenti Donald Tramp İranla müharibənin yaxın vaxtlarda başa çata biləcəyini və bundan sonra neft qiymətlərinin kəskin şəkildə aşağı düşəcəyini düşünür.

AZERFAX.AZ xəbər verir ki, bunu “PBS”in müxbiri Liz Landers bildirib. O, ABŞ lideri ilə qısa telefon müsahibəsindən sonra qeyd edib ki, Tramp müharibə başa çatdıqdan sonra neft qiymətlərinin “daş kimi düşəcəyi”nə əmindir.

Jurnalistin sözlərinə görə, prezident münaqişənin başa çatmasının mümkün müddəti ilə bağlı sualı isə belə cavablandırıb: “Bunun uzun çəkəcəyini düşünmürəm”.