Kuboku əlindən alınan Seneqal CAF-la bağlı bu addımı atacaq
Seneqal Futbol Federasiyası İdman Arbitraj Məhkəməsinə müraciət edəcəyini açıqlayıb.
AZERFAX.AZ xəbər verir ki, qurum Afrika Futbol Konfederasiyasının (CAF) Afrika Millətlər Kuboku turnirinin finalı ilə bağlı qərarından apellyasiya şikayəti verəcək. Federasiyanın rəsmi saytında yayımlanan bəyanatda təşkilatın Seneqal futbolunun hüquqlarını bütün qanuni vasitələrlə qoruyacağı bildirilib.
Xatırladaq ki, CAF Mərakeş milli komandasının apellyasiyasını təmin edərək, final matçında Seneqal yığmasına texniki məğlubiyyət verib. Buna səbəb seneqallı futbolçuların 90+8-ci dəqiqədə Brahim Diasa qarşı təyin olunan penaltiyə etiraz olaraq meydanı tərk etməsi olub.
Görüş 13 dəqiqəlik fasilədən sonra bərpa olunmuş və əlavə vaxtda Seneqal milli komandasının 1:0 hesablı qələbəsi ilə başa çatmışdı.
Heybət
