Bu şəxslər digər pasiyentlərdən təcrid vəziyyətində müalicə ediləcək

Tibbi xarakterli məcburi tədbirlərə cəlb edilən, özünə və ya digərlərinə təhlükə yaradan şəxslər digər pasiyentlərdən təcrid vəziyyətində müalicə olunacaq.

AZERFAX.AZ xəbər verirki, bununla bağlı təklif “Psixiatriya yardımı haqqında” qanuna dəyişiklik təklif edilir.

Layihə parlamentin Səhiyyə komitəsinin bugünkü iclasında müzakirəyə çıxarılıb.

Qanunun 12.3 maddəsinə edilən təklifə əsasən tibbi xarakterli məcburi tədbirlərə cəlb edilən şəxslər bu Qanunun 23-cü maddəsində nəzərdə tutulmuş hüquqlardan istifadə edirlər.

Qanunun 12.4 maddəsinə nəzərdə tutulan təklifə əsasən tibbi xarakterli məcburi tədbirlərə cəlb edilən şəxslərin stasionar müalicəsi digər pasiyentlərdən təcrid olunmaqla aparılır.