Astarada bir nəfər dənizdə batdı

Astarada bir nəfər dənizdə batıb.

AZERFAX.AZ Teleqraf-a istinadən xəbər verir ki, hadisə Astara şəhərinin “Bulvar” ərazisində baş verib.

İlkin məlumata əsasən, Masallı rayonunun Kosagül kənd sakini olan bir nəfər Xəzər dənizində batıb.

Hazırda hadisə ilə bağlı axtarış-xilasetmə işləri aparılır. Şəxsin tapılması istiqamətində axtarışlar davam etdirilir.

Hadisənin hansı şəraitdə baş verdiyi və dənizdə batan şəxsin kimliyi ilə bağlı hələlik məlumat yoxdur.