Ağ Evin yeni mətbuat katibini HƏDƏLƏDİLƏR

Ağ Ev öz mətbuat katibi Keti Zakariyanın debütündən narazıdır və onu işdən çıxarmaqla hədələyir.

AZERFAX.AZ xəbər verir ki, bu barədə “MS Now” telekanalı məlumat yayıb.

“Kürsü arxasında duruş gətirmək asan deyil. Lakin o, işə yanlış addımla başladı. O, tez bir zamanda qat-qat yaxşı işləməyə başlamalıdır, əks halda Skaramuççinin rekordunu təzələyəcək”, — deyə Ağ Ev nümayəndəsi bildirib.

Entoni Skaramuççi Ağ Evin keçmiş kommunikasiyalar üzrə direktorudur. O, 2017-ci ildə ABŞ Prezidenti Donald Tramp tərəfindən cəmi on günlük fəaliyyətindən sonra vəzifəsindən kənarlaşdırılmışdı.

Oktyabrın 9-da Donald Tramp sosial şəbəkələrdə mühafizəkar şərhçi Keti Zakariyanın Ağ Evin mətbuat katibi vəzifəsinə təyin olunduğunu elan edib. ABŞ lideri qeyd edib ki, buna qədər Zakariya “Truth Social” şirkətində (“Trump Media & Technology” şirkətlər qrupu) kommunikasiyalar üzrə baş müşavir vəzifəsini tutub və orada özünü yalnız ən yaxşı tərəfdən göstərib.

Hüseyn İbadlı