Mbappenin kubok lənəti davam edir

PSJ ardıcıl ikinci il Çempionlar Liqasının qalibi oldu. Finalda Luis Enrikenin komandası “Arsenal”ı məğlub etdi (1-1, penaltilərdə 4-3).

AZERFAX.AZ xəbər verir ki, Paris klubu Kilian Mbappenin 2024-cü ildə “Real Madrid”ə keçməsindən bəri hər iki mövsümdə turnirin qalibi olub.

Çempionlar Liqasından əlavə, PSJ Mbappe olmadan iki mövsümdə iki dəfə Liqa 1-i, Fransa Super Kubokunu, bir Fransa Kubokunu və Qitələrarası Kuboku qazanıb.

“Real Madrid” 2024-cü ilin yayında Mbappe ilə müqavilə imzaladıqdan bəri iki mövsümdür ki, böyük kubok qazana bilməyib. Keçən mövsüm onlar UEFA Super Kubokunu və Qitələrarası Kuboku qazanıblar.

Çempionlar Liqasının son iki yarışında Madrid dörddəbir final mərhələsində mübarizəni dayandırıb.