Gəncədə qudalar arasında qanlı dava baş verib.
Gəncədə qohumlar arasında baş verən kütləvi dava qanla nəticələnib. AZERFAX.az-ın yerli bürosunun məlumatına görə hadisə şəhərin Məhsəti qəsəbəsində baş verib. Ailə münaqişəsi zəminində qudalar arasında baş verən hadisə zamanı Kəlbəcər rayon sakini, 1980-ci il təvəllüdlü Əli Alişanov bıçaq xəsarəti alıb. Onun həyat yoldaşı Aynur Alişanova və 2005-ci il təvəllüdlü oğlu Alim Alişanov isə balta ilə müxtəlif dərəcəli bədən xəsarətləri və kəllə-beyin travması alaraq xəstəxanaya yerləşdiriliblər. 45 yaşlı Əli Alişanovun vəziyyətinin ağır, həyat yoldaşı və övladının isə stabil olduğu bildirilib.
Dava zamanı qarşı tərəfdən isə 1966-cı il təvəllüdlü Zakir Sadıqov və onun oğlu, 1999-cu il təvəllüdlü Elşən Sadıqov xəsarət alıb. Onların bədən nahiyyələrində kəsici deşici yaralar olduğu bildirilir.
Hadisə ilə bağlı hüquq mühafizə orqanlarının əməkdaşları tərəfindən araşdırma aparılır.
AZERFAX.az Qərb Bürosu
