İdman
Doğma meydana dönən “Barselona”dan DARMADAĞIN

İspaniya La Liqasında XIII turun oyunları çərçivəsində öz doğma meydanına dönən Barselona Bilbao “Atletik”ini qəbul edib. “Kamp Nou” stadionunda baş tutan qarşılaşma meydan sahiblərinin 4:0 hesablı qələbəsi ilə yekunlaşıb. Hesabı 4-cü dəqiqədə Robert Levandovski açıb. İlk hissənin əlavə vaxtında və 90-cı dəqiqədə fərqlənən Ferran Torres dubl edib. Komandanın digər qolunu isə 48-ci dəqiqədə Fermin Lopez vurub. Qeyd edək ki, bu qələbədən sonra xallarının sayını 31-ə çatdıran “Barselona” lider “Real”a çatıb. 17 xalı olan Bilbao təmsilçisi isə 8-ci pillədə qərarlaşıb.
İspaniya La Liqası
XIII tur
“Barselona” – “Atletik” 4:0
Qollar: R.Levandovski, 4, F.Torres, 45+3, 90, F. Lopez 48,



