Dünyanın ən bahalı futbolçuları: Arda Gülər “onluq”da, Kenan isə…
Beynəlxalq İdman Araşdırmaları Mərkəzi (CIES) dünyanın ən bahalı futbolçularının yeni siyahısını açıqlayıb.
AZERFAX.az xəbər verir ki, siyahıya 100 oyunçu daxil edilib.
Birinci yeri “Barselona”nın vingeri Lamin Yamal tutub. Onun transfer qiyməti 343,1 milyon avro olaraq qiymətləndirilir.
“İlk üçlük”də “Mançester Siti”nin hücumçusu Erlinq Haaland və “Real”ın forvardı Kilian Mbappe yer alıb. Onların dəyəri müvafiq olaraq 255,1 milyon və 201,3 milyon avrodur.
“Top-10”da türkiyəli Arda Gülər də yer alıb. Madrid klubunun yarımmüdafiəçisinin dəyəri 130,3 milyon avrodur. Türkiyə millisinin başqa bir üzvü Kenan Yıldız isə 14-cüdür. “Yuventus”un vingeri 121 milyon avro olaraq qiymətləndirilib.
Qeyd edək ki, “Qızıl top”un sahibi və PSJ-nin cinah hücumçusu Usman Dembele siyahıya daxil olmayıb.
1. Lamin Yamal (“Barselona”) – 343,1 milyon avro
2. Erling Holand (“Mançester Siti”) – 255,1 mln avro
3. Kilian Mbappe (“Real”) – 201,3 mln avro
4. Cud Bellingem (“Real”) – 153,1 mln avro
5. Maykl Olise (“Bayern”) – 136,9 mln avro
6. Floryan Virts (“Liverpul”) – 135,8 mln avro
7. Dezire Due (PSJ) – 134,6 mln avro
8. Joao Neveş (PSJ) – 130,6 mln avro
9. Arda Güler (“Real”) – 130,3 mln avro
10. Pedri (“Barselona”) – 130 mln avro
11. Yulian Alvares (“Atletiko”) – 127,5 mln avro
12. Morqan Rodcers (“Aston Villa”) – 125,9 mln avro
13. Uqo Ekitike (“Liverpul”) – 124,1 mln avro
14. Kenan Yıldız (“Yuventus”) – 121 mln avro
15. Nik Voltemade (“Nyukasl”) – 120 mln avro
16. Estevao (“Çelsi”) – 118,9 mln avro
17. Kol Palmer (“Çelsi”) – 115,8 mln avro
18-19. Pau Kubarsi (“Barselona”) – 109,6 mln avro
18-19. Lautaro Martines (“İnter”) – 109,6 mln avro
20. Din Huysen (“Real”) – 108,3 mln avro
