Xabi Alonso: “Hazırda diqqətimi “Bayer”in uğurlarına yönəltmişəm.”

“Bayer Leverkuzen”in baş məşqçisi Xabi Alonso “Real Madrid”ə keçəcəyi barədə yayılan xəbərlərə münasibət bildirib.

AZERFAX.az xarici mediaya istinadən xəbər verir ki, ispan çalışdırıcı Almaniya klubundan ayrılmağı düşünmür.

Alonso bildirib: “Bəli, keçən həftə İspaniyada idim. Amma heç kimlə danışmamışam. Hazırda diqqətimi “Bayer”in uğurlarına yönəltmişəm”.

Yada salaq ki, Alonsonun gələn ilin yayında “Real Madrid”dən ayrılacağı gözlənilən Karlo Ançelottini əvəzləyəcəyi barədə iddialar var.