Toya gedən şəxslər qəzaya düşdü
Gəncədə toya gedən zaman qəzaya düşənlərin kimliyi müəyyən olunub. AZERFAX.az-in yerli bürosunun məlumatına görə hadisə şəhərin Gülüstan qəsəbəsində baş verib. Hərəkətdə olan “Mercedes” və “Chevrolet” markalı avtomobillərin toqquşması nəticəsində 1988-ci il təvəllüdlü Yeganə Əsgərova, 1990-cı il təvəllüdlü Gülşən Hüseynova, 1981-ci il təvəllüdlü Oleq Titiov, 1989-cu il təvəllüdlü Zamin Həsənov və 1996-cı il təvəllüdlü Ayşən Həsənova müxtəlif dərəcəli bədən xəsarətləri xəsarət alaraq xəstəxanaya yerləşdiriliblər. Xəstəxanadan verilən rəsmi açıqlamaya görə
26.08.2025-ci il tarixində saat 17:40 radələrində 5 nəfər (3 qadın, 2 kişi cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxanaya hospitalizasiya olunub:
“Müxtəlif bədən xəsarətləri alan pasiyentlərə zəruri tibbi xidmətlər göstərilib. Hazırda müalicələri müvafiq şöbədə davam etdirilir, vəziyyətləri stabildir” deyə məlumatda bildirilib.
Faktla bağlı araşdırma aparılır.
