33 ildir Premyer Liqada heç bir komanda bunu bacarmırdı

“Sanderlend” İngiltərə Premyer Liqasının 22-ci turunda doğma meydanda “Kristal Pelas” üzərində 2:1 hesablı əzmkar qələbə qazanıb.

AZERFAX.AZ xəbər verir ki, “Opta”nın məlumatına görə, “ağ-qırmızılar” İngiltərənin yüksək liqasına yüksəldikdən sonra çempionatın ilk 11 ev oyununda məğlub olmayan son 33 ilin ilk komandası olub.

1992/1993 mövsümündə analoji göstəriciyə “İpsviç” imza atmışdı.

Premyer Liqanın cari mövsümündə keçirilən 11 ev matçında “Sanderlend” altı qələbə qazanıb, beş oyun isə heç-heçə ilə yekunlaşıb.