Dünyanı daha böyük böhran gözləyir

2008-ci il iqtisadi böhranını öncədən görən dünyaca məşhur iqtisadçı Piter Şiff dünən gecə “Fox Business”də daha bir proqnozunu açıqlayıb.

AZERFAX.AZ xəbər verir ki, Şiff mərkəzi bankların qızıl alışının sürətlənməsinin və dollar aktivlərindən uzaqlaşmasının ABŞ üçün böyük təhlükə yaratdığını bildirib.

Onun sözlərinə görə, dünya bir tərəfdən ABŞ-ın artan borcu, digər tərəfdən isə dolların ehtiyat valyutası statusunun sorğulanması ilə üzləşəcək.

Şiff böhranın bu ilin sonuna və ya gələn ilə qədər uzana biləcəyini, baş verəcək hadisələrin 2008-ci ildəki çöküşdən daha dağıdıcı olacağını iddia edib. İqtisadçıya görə, qızıl və gümüşün qiymətlərinin artması artan inflyasiya və dolların dəyərdən düşməsi barədə “ilkin xəbərdarlıq” deməkdir.

“Dünya artıq ABŞ-ın ayağının altındakı xalçanı çəkir. Dollar çökəcək və qızıl onun yerini tutacaq”, – deyə o qeyd edib.

Roza