Şəmkirdə 21 yaşlı gənc dəm qazından böğuldu.

Şəmkirdə dəm qazı can alıb. AZERFAX.az-ın yerli bürosunun məlumatına görə Təzəkənd kənd sakini, 2005-ci il təvəllüdlü, Məmmədov Ruhlan Etibar oğlu yataq otağında zəhərlənərək həyatını itirib. İlkin versiyaya görə otaqda qazla işləyən “Ceyran” tipli soba quraşdırılıb və 21 yaşlı gənc həmin sobanın borusundan çıxan dəm qazından zəhərlənərək ölüb. Faktla bağlı Şəmkir rayon prokurorluğunda araşdırma aparılır.