Azərbaycan vasitəsilə benzin idxalı qiymətlərə təsir edəcək

Azərbaycandan (və bu ölkə vasitəsilə) benzin idxalının Ermənistandakı qiymətlərə təsiri yanvar ayının sonuna qədər hiss olunacaq.

AZERFAX.AZ xəbər verir ki, bunu Ermənistan Mərkəzi Bankının sədri Martin Qalstyan mətbuat konfransında bildirib.

O izah edib ki, 20 dekabrdan sonra idxal olunan neft məhsullarının əhəmiyyətli miqdarı alınıb və idxal olunan miqdar təbii ki, əsasən yanvar ayında satılıb.

Qalstyan qeyd edib ki, hər halda, Azərbaycanın özündən idxalın həcmi nə qədər çox olsa da, bütün iqtisadiyyata nisbətən o qədər də böyük olmayacaq.

Buna görə də, Qalstyanın fikrincə, əsas təsirlər daha geniş kontekstdə – sərhədlərin açılmasından logistika xərclərinin azalmasına qədər gözlənilməlidir.

Tural