Bruno Fernandes Bekhemin rekordunu qırdı

“Mançester Yunayted” “Aston Villa”nı 3:1 hesabı ilə məğlub edib.

AZERFAX.AZ xəbər verir ki, yarımmüdafiəçi Bruno Fernandes bu nəticəyə böyük töhfə verərək komanda yoldaşlarına iki məhsuldar ötürmə verib.

Bununla da Fernandes “Yunayted” klub rekordunu yeniləyib. O, Premyer Liqanın bir mövsümündə ən çox qol ötürməsi edən MY futbolçusu olub. Əvvəlki rekord Devid Bekhema məxsus idi. O, 1999/2000 mövsümündə çempionatda 15 məhsuldar ötürmə edib. Fernandes isə artıq cari Premyer Liqa mövsümündə 16 assistə imza atıb.

Premyer Liqanın ümumi rekorduna gəlincə, bir mövsümdə ən çox qol ötürməsi göstəricisi Tyerri Anri və Kevin De Bruyne tərəfindən paylaşılır. Onlar müvafiq olaraq 2002/2003 və 2019/2020 mövsümlərində 20 məhsuldar ötürmə ilə yadda qalıblar.