Körfəz ölkələrindən Trampa KRİTİK ÇAĞIRIŞ
Fars körfəzi ölkələri ABŞ Prezidenti Donald Trampı İranı daimi olaraq neytrallaşdırmağa çağırıb.
AZERFAX.AZ xəbər verir ki, bu barədə “Reuters” mənbələrə istinadla məlumat yayıb.
“Körfəz ölkələrində İranın regiondakı bütün ölkələrlə münasibətlərində bütün qırmızı xətləri keçdiyinə dair geniş yayılmış bir inanc var”, – nəşr bildirib.
Səudiyyə Ərəbistanında yerləşən Körfəz Araşdırmaları Mərkəzinin sədri Əbdüləziz Sagerin sözlərinə görə, münaqişənin əvvəlində əksər ölkələr tez bir zamanda diplomatik həll tələb etsələr də, İranın çoxsaylı hücumlarından sonra region ölkələri regionda qeyri-sabitlik baş verərsə, İranın yenidən Hörmüz boğazını bağlaya biləcəyindən qorxurdular.
İranın Ali Milli Təhlükəsizlik Şurasının katibi Əli Laricani bir müddət əvvəl bildirib ki, ABŞ ölkənin elektrik enerjisi istehsal müəssisələrinə hücum edərsə, Tehran bütün Yaxın Şərqdə elektrik enerjisinin kəsilməsinə səbəb olacaq.
Fevralın 28-də ABŞ İsraillə birlikdə İrana qarşı hərbi əməliyyata başladı. Buna cavab olaraq Tehran İsrailə, eləcə də Səudiyyə Ərəbistanı, Bəhreyn, Qətər, Küveyt və BƏƏ də daxil olmaqla Yaxın Şərqdəki Amerika hava bazalarına raket və pilotsuz təyyarələrlə hücumlar həyata keçirdi. İran həmçinin dəniz yolu ilə neft daşınmalarının təxminən 30%-ni təşkil edən Hörmüz boğazını bağladı və Fars körfəzi ölkələrindəki neft infrastrukturuna hücum etməyə başladı.
Hüseyn İbadlı
