Dembele bu mükafatı ardıcıl ikinci dəfə qazandı

PSJ-nin hücumçusu Usman Dembele Fransa Peşəkar Futbolçular Milli İttifaqının (UNFP) versiyasına görə ardıcıl ikinci dəfə Fransa çempionatında mövsümün ən yaxşı futbolçusu seçilib.

AZERFAX.AZ xəbər verir ki, yekun səsvermədə o, komanda yoldaşları Vitinya və Nunu Mendeşi, həmçinin “Marsel”in futbolçusu Meyson Qrinvud və “Lans”ın yarımmüdafiəçisi Florian Toveni qabaqlayıb.

Dembele bu mükafata ardıcıl ikinci dəfə layiq görülüb.

2025/26 mövsümündə Dembele Liqa 1-də keçirdiyi 20 oyunda 10 qol vurub və 6 məhsuldar ötürmə edib.