Dağıstanda magistral qaz kəmərində güclü partlayışlar baş verdi

4 saat əvvəl

Dağıstanda magistral qaz kəmərində üç partlayış baş verib.

AZERFAX.AZ xəbər verir ki, bu barədə respublika üzrə Fövqəladə Hallar Nazirliyinin (FHN) Baş İdarəsi “Telegram” kanalında məlumat yayıb.

Nazirliyin məlumatına görə, hadisə iyunun 9-u axşam saatlarında Kizilyurt şəhərində baş verib və partlayışlar alovla müşayiət olunub. Partlayan qaz kəmərinin diametri 1200 mm-dir. Hadisə yerinə dərhal zəruri qüvvələr cəlb edilib; ümumilikdə Rusiya Fövqəladə Hallar üçün Vahid Dövlət Sistemindən (RSÇS) 25 nəfər və yeddi texnika, o cümlədən FHN-dən 12 nəfər və üç texnika əraziyə göndərilib.