Məşhur aeroporta Trampın adı verildi

Floridada Donald Trampın Mar-a-Laqo iqamətgahından bir neçə kilometr məsafədə yerləşən Palm-Biç Beynəlxalq Hava Limanının adının dəyişdirilməsi qüvvəyə minib.

AZERFAX.AZ xəbər verir ki, iyulun 9-dan etibarən hava limanı “Prezident Donald C. Tramp adına Beynəlxalq Hava Limanı” adlanır. Müvafiq qərar Florida hakimiyyəti tərəfindən bu ilin fevralında təsdiqlənmişdi.

Bundan əlavə, avqustun 18-dən hava limanının Beynəlxalq Hava Nəqliyyatı Assosiasiyası (IATA) üzrə kodu da dəyişəcək. Hazırda istifadə olunan PBI kodunun əvəzinə ABŞ prezidentinin baş hərflərinə uyğun olaraq DJT kodu tətbiq ediləcək.