Gürcüstan Azərbaycan vətəndaşlarını deportasiya etdi

Gürcüstan son günlərdə ölkədə qanunsuz yaşayan 55 xarici vətəndaşı deportasiya edib.

AZERFAX.AZ xəbər verir ki, bu barədə Gürcüstan Daxili İşlər Nazirliyinin (DİN) mətbuat xidməti məlumat yayıb.

Məlumata görə, ölkədən çıxarılanlar arasında Azərbaycan, Ermənistan, Misir, Hindistan, İraq, Pakistan, Rusiya, Türkiyə, Sudan, Türkmənistan, Özbəkistan və digər ölkələrin vətəndaşları var. Qaydaları pozan bu şəxslərin bir daha Gürcüstana gəlməsinə qadağa qoyulub.

Bildirilib ki, Gürcüstanda sənədsiz və ya icazəsiz yaşayan xaricilərə qarşı mübarizə sərtləşdirilib. Ölkədə qanunlar dəyişdirildiyi üçün qaydaları pozan əcnəbiləri aşkar etmək və ölkədən çıxarmaq indi daha da asanlaşıb.