525 milyondan imtina etdi
“Trabzonspor”un sabiq baş məşqçisi Fatih Tekkenin klubdan ayrılarkən imtina etdiyi məbləğ gündəm olub.
AZERFAX.AZ Türkiyə mediasına istinadən xəbər verir ki, Tekke müqaviləsinin sonuna qədər əldə edəcəyi 525 milyon türk lirəsindən (təxminən 12,5 milyon manat) imtina edib.
47 yaşlı mütəxəssisin “Trabzonspor”la müqaviləsi davam edirdi. Onun illik maaşı isə 2026-cı ilin iyulunda yenidən nəzərdən keçirilərək 150 milyon lirəyə yüksəldilmişdi.
Buna baxmayaraq, tərəflərin yolları ayrılıb. Tekkenin müqavilə üzrə qalan müddət üçün nəzərdə tutulan böyük məbləğdən imtina etməsi Türkiyə futbol gündəmində geniş müzakirələrə səbəb olub.
Fatih Tekke futbolçu kimi də uzun illər “Trabzonspor”un formasını geyinib. O, sonradan komandanın baş məşqçisi kimi fəaliyyət göstərib və klubun idarəçiliyində mühüm rol oynayıb.
Mütəxəssisin belə böyük məbləğdən imtina etməsi sosial şəbəkələrdə də diqqət çəkib.
