Xalq artisti Zaur Rzayev xəstəxanaya yerləşdirildi

Xalq artisti Zaur Rzayev sentyabrın 5-də saat 20:50 radələrində Mərkəzi Neftçilər Xəstəxanasının Qəbul şöbəsinə hospitalizasiya olunub.

AZERFAX.AZ xəbər verir ki, bu barədə Mərkəzi Neftçilər Xəstəxanasından məlumat verilib.

Bildirilib ki, qaraciyər sirrozunun dekompensasiya mərhələsi, assit və qaraciyər ensefalopatiyası diaqnozu təyin olunan pasiyentə zəruri tibbi xidmətlər göstərilib.

Göstərilən zəruri reanimasiya tədbirləri nəticəsində vəziyyətində stabilləşmə müşahidə edilən pasiyentin müalicəsi Terapiya şöbəsində davam etdirilir.