İran bütün ölkələrlə hava əlaqəsini kəsə bilər

İran İraqı çərşənbə axşamından etibarən bütün dünya ölkələrindən gələn reyslərin qəbulunu dayandırmaq ehtimalı barədə xəbərdar edib.

AZERFAX.AZ xəbər verir ki, bu barədə İraqın “Shafaq news” portalı təhlükəsizlik orqanlarındakı mənbəyə istinadla məlumat yayıb.

Mənbənin sözlərinə görə, İran tərəfi İraq hakimiyyətini belə bir ehtimal barədə məlumatlandırıb və qərar bir neçə gün uzadıla bilər. Səbəblər açıqlanmır. İraqın aviasiya qurumu isə bununla bağlı hələlik heç bir tədbir görməyib.

Xatırladaq ki, fevralın 28-də ABŞ və İsrail İrana qarşı irimiqyaslı hərbi əməliyyata başlayıblar. Ölkənin ən iri şəhərləri, o cümlədən paytaxt Tehran zərbələrə məruz qalıb. Ağ Ev hərbi əməliyyatların başlanmasını Tehrandan gələn raket və nüvə təhdidlərini zərərsizləşdirmək zərurəti ilə izah edib.

Hüseyn İbadlı