Mahir Emrelinin yeni klubu bəlli oldu

Azərbaycan millisinin futbolçusu Mahir Emreli karyerasını Almaniyanın “Kayzerslautern” klubunda davam etdirəcək.

AZERFAX.AZ xəbər verir ki, bu barədə “Sky Sport”un jurnalisti Florian Plettenberq X hesabında paylaşım edib.

Onun sözlərinə görə, 28 yaşlı hücumçunun transferi, demək olar ki, tamamlanıb. Təcrübəli forvard yaxın günlərdə tibbi müayinədən keçəcək. Daha sonra isə 2-ci Bundesliqa təmsilçisi ilə 3 illik müqaviləyə imza atacaq.

Qeyd edək ki, Mahir Emreli ötən mövsümü Almaniyanın digər klubu “Nürnberq”də keçirib.

You must enable Javascript on your browser for the site to work optimally and display sections completely.