45 min xristianın qarşısında ilginc açıqlama: ”Məni İsa azad etdi“
“Barselona”, “Yuventus” və Braziliya millisinin keçmiş müdafiəçisi Dani Alves “Metropolitano” stadionunda keçirilən xristian mitinqində çıxış edib.
AZERFAX.AZ xəbər verir ki, ötən həftə sonu “Atletiko Madridin” ev stadionunda keçirilən dini tədbirdə 35 mindən çox insan iştirak edib.
“Mən qırx il həbsxanada yatdım (Alves, yəqin ki, imana gəlməzdən əvvəlki həyatını nəzərdə tutur). Amma həbsxanadan məni İsa azad etdi. Həyatınızda nələrdən keçdiyinizi, hansı həbsxanalarla üzləşdiyinizi bilmirəm, amma sizə bu gün Məsihin həmin həbsxanaları məhv edəcəyini, divarları yıxacağını və zəncirləri qıracağını demək üçün buradayam”, – Alves deyib.
Xatırladaq ki, Alves 2022-ci il dekabrın 31-də gecə klubunda bir qadına təcavüz etmək ittihamı ilə 14 aydan çox – 2023-cü ilin yanvarından 2024-cü ilin martına qədər həbsdə olub. 2025-ci ilin mart ayında Kataloniya Ali Məhkəməsi kifayət qədər dəlil olmadığı üçün Daniyə bəraət qazandırıb və onun 4,5 illik həbs cəzasını ləğv edib.
