Alimlərdən xəbərdarlıq: İstixana qazı emissiyaları azaldılmasa…
Beynəlxalq alimlər qrupu 2021-ci ildə Belçikanın Valoniya bölgəsində baş vermiş və onlarla insanın həyatına son qoymuş dağıdıcı daşqınların iqlim dəyişikliyi nəticəsində daha güclü və ehtimal olunan hadisəyə çevrildiyini bildiriblər.
AZERFAX.AZ xəbər verir ki, araşdırmaya əsasən, qlobal istiləşmə güclü yağıntıların intensivliyini əhəmiyyətli dərəcədə artıraraq fəlakətin miqyasını genişləndirib. Mütəxəssislər hesab edirlər ki, atmosferdə temperaturun yüksəlməsi daha çox rütubətin toplanmasına səbəb olur və bu da ekstremal yağışların sayını artırır. Onlar xəbərdarlıq edirlər ki, istixana qazı emissiyaları azaldılmasa, Avropada oxşar təbii fəlakətlər daha tez-tez baş verə bilər. Tədqiqat müəllifləri daşqın riskinin azaldılması üçün iqlim dəyişikliklərinə uyğunlaşma tədbirlərinin və erkən xəbərdarlıq sistemlərinin gücləndirilməsinin vacibliyini vurğulayıblar.
