Göbələklərin gözlənilməz təhlükəsi üzə çıxdı
Yol kənarlarında və pərakəndə ticarət yerlərində fiziki şəxslərdən göbələk almaq tövsiyə olunmur, çünki onlar ağır metallar və radionuklidlər toplamaq qabiliyyətinə malikdirlər.
AZERFAX.AZ xəbər verir ki, bu barədə “RT” ilə söhbətində ROSBİOTEH Universitetinin biologiya, baytarlıq-sanitariya ekspertizası və biosəltəmsəksizlik kafedrasının dosenti Elena Slinko bildirib.
Onun sözlərinə görə, təzə göbələklər otaq temperaturunda üç saatdan çox saxlanılmamalıdır. Uzunmüddətli saxlama onların zülallarının parçalanmasına səbəb olur ki, bu da hətta yeməli göbələkləri belə zəhərli hala gətirə bilər.
“Yol kənarlarında və pərakəndə ticarət yerlərində fiziki şəxslərdən göbələk almaq lazım deyil: onlar süngər kimi ağır metalları və radionuklidləri özünə çəkirlər”, – deyə mütəxəssis qeyd edib.
Zəhərlənmə əlamətləri göbələyin növündən və tərkibindəki toksindən asılıdır. Bəzi hallarda ilk əlamətlər 30 dəqiqə, digərlərində isə istehlakdan üç saat sonra meydana çıxır. Gizli dövr 6–12 saat və ya daha çox davam edə bilər. Mümkün əlamətlər arasında ekspert ürəkbulanma, qusma, ishal, zəiflik, qarın ağrısı, başgicəllənmə və baş ağrısını qeyd edib. Ağır zəhərlənmə zamanı qıcolmalar, huşun itirilməsi, qaraciyər və böyrəklərin zədələnməsi mümkündür.
Zəhərlənmə əlamətləri aşkar edildikdə mümkün qədər tez tibbi yardım üçün müraciət etmək lazımdır. Mütəxəssis göbələklərin və hazırlanmış yeməyin qalıqlarını saxlamağı məsləhət görüb, çünki bu, toksini müəyyən etməyə kömək edə bilər. Bu zaman özünü müalicə tibbi yardımın əvəzini verməməlidir.
Hüseyn İbadlı
